Ժամանակը Երևանում՝ 11:07:36,   29 Հունիս 2022

Վաղարշապատում կատարված սպանության կասկածյալի նկատմամբ հայտարարվել է հետախուզում

Վաղարշապատում կատարված սպանության կասկածյալի նկատմամբ հայտարարվել է 
հետախուզում

ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Ոստիկանության Վաղարշապատի բաժնի կողմից հունիսի 7-ին ՀՀ քրեական օրենսգրքի 104 հոդվածի 1-ին մասի հատկանիշներով նախատեսված հանցագործություն կատարելու համար հետախուզում է հայտարարվել Էջմիածնի Մ. Խորենացի փողոցի բնակիչ, 1967 թ. ծնված Գրիգոր Ավետիսյանի նկատմամբ։
«Գրիգոր Ավետիսյանի գտնվելու վայրի, կամ նրա մասին որևէ տեղեկություն ունեցողներին խնդրում ենք անհապաղ դիմել ոստիկանության մոտակա բաժին կամ զանգահարել 1-02 հեռախոսահամարով։ Տեղեկություն տրամադրած անձի գաղտնիությունը երաշխավորվում է»,-«Արմենպրես»-ի հաղորդմամբ՝ նշվում է ոստիկանության տարածած հաղորդագրության մեջ:

 Ապրիլի 23-ին, ժամը 18.55-ին, հիվանդանոցից ոստիկանության Վաղարշապատի բաժնում հաղորդում էր ստացվել, որ «կրծքավանդակի աջ կեսի ծակած կտրած վերք» ախտորոշմամբ բուժօգնության է ընդունվել 1972 թ. ծնված Նվեր Հովհաննիսյանը:
Նույն օրը, ժամը 22.45-ին, հիվանդանոցից կրկին հաղորդում էր ստացվել, որ ժամը 21.45-ին Ն. Հովհաննիսյանի մոտ արձանագրվել է կենսաբանական մահ: Փաստի առթիվ ՀՀ քրեական օրենսգրքի 104 հոդվածի1-ին մասի մեղադրանքով հարուցված քրեական գործի շրջանակներում հունիսի 6-ին ոստիկանության քրեական հետախուզության գլխավոր և Արմավիրի մարզային վարչությունների, Վաղարշապատի բաժնի և Քննչական կոմիտեի ծառայողների համատեղ օպերատիվ քննչական միջոցառումների շնորհիվ պարզվել է սպանությունը կատարելու մեջ կասկածվողի ինքնությունը. ձեռնարկվում են համալիր միջոցառումներ նրան հայտնաբերելու ուղղությամբ:
Կատարվում է քննություն:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]