Ժամանակը Երևանում՝ 11:07:36,   19 Օգոստոս

Իրանի ֆուտբոլի հավաքականն արդեն Ռուսաստանում է  

Իրանի ֆուտբոլի հավաքականն արդեն Ռուսաստանում է

 

ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Իրանի ազգային թիմը մունդիալի մեկնարկից 8 օր առաջ ժամանել է Ռուսաստան:

«Արմենպրես»-ի հաղորդմամբ` Իրանի ազգային թիմի մարզիչ Կառլուս Կեյրուշը իր գոհունակությունն է հայտնել, որ իր թիմը միացել է համաշխարհային ֆուտբոլային տոնին:

Ֆուտբոլի Իրանի ազգային ընտրանին ԱԱ-ում ընդգրկված է B խմբում և կմրցի Պորտուգալիայի, Իսպանիայի և Մարոկկոյի հավաքականների հետ:

«Մունդիալ-2018»-ը կընդունի Ռուսաստանը: Աշխարհի առաջնության խաղերը հյուրընկալող բոլոր 12 քաղաքներում կանցկացվեն տոնական միջոցառումներ: Առաջնությունը կմեկնարկի հունիսի 14-ին, իսկ եզրափակիչ հանդիպումը կկայանա հուլիսի 15-ին: Խաղերը կընդունի 12 մարզադաշտ Մոսկվայում, Սանկտ-Պետերբուրգում, Կազանում, Եկատերինբուրգում, Սարանսկում, Սոչիում, Սամարայում, Դոնի Ռոստովում, Կալինինգրադում, Նիժնի Նովգորոդում, Վոլգոգրադում: Կիսաեզրափակիչ երկու հանդիպումները կկայանան Սանկտ-Պետերբուրգում և Մոսկվայում:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ