Վլադիմիր Լիսինն ամենահարուստ ռուսաստանցին Է դարձել Bloomberg-ի վարկանիշում
ԵՐԵՎԱՆ, 5 ՀՈԻՆԻՍԻ, ԱՐՄԵՆՊՐԵՍ: Նովոլիպեցկի մետալուրգիական կոմբինատի (ՆԼՄԿ) հիմնական սեփականատեր Վլադիմիր Լիսինը դարձել Է Ռուսաստանի ամենահարուստ մարդը՝ առաջ անցնելով «Սեվերստալ»-ի տնօրենների խորհրդի նախագահ Ալեքսեյ Մորդաշովից: Դա հետեւում Է Bloomberg Billionaires Index-ի ցուցակի (գործակալության ամեն օր նորացվող վարկանիշի) տվյալներից, տեղեկացնում Է «Արմենպրես»-ը:
Ընդհանուր վարկանիշում Լիսինը ներկայում զբաղեցնում Է 45-րդ հորիզոնականը: Bloomberg-ի տվյալներով՝ հունիսի 4-ին ՆԼՄԿ-ի բաժնետոմսերն աճել են 3,5 տոկոսով, իսկ տարեսկզբից Լիսինի կարողությունն ավելացել Է 2,17 մլրդ դոլարով եւ այժմ կազմում Է շուրջ 20,2 մլրդ դոլար:
Ալեքսեյ Մորդաշովը ներկայում 46-րդ տեղն Է զբաղեցնում վարկանիշում: Տարեսկզբից նրա կարողությունը, ըստ գործակալության գնահատումների, ավելացել Է 506 միլիոնով: Bloomberg Billionaires Index-ում նա ռուսաստանցիների շրջանում առաջատարն Էր 267 օր:
Մարտ ամսին Լիսինը նաեւ ամենահարուստ ռուսաստանցին Է դարձել Forbes հանդեսի վարկածով, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում