Դավթաշենում ինքնասպանություն գործել ցանկացող անձին ցուցաբերվել է հոգեբանական աջակցություն
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Երևանի Դավթաշեն 3-րդ թաղամասի թիվ 36 շենքի 6-րդ հարկից նետվելու միջոցով ինքնասպանություն գործել ցանկացող անձին` Հ. Մ.-ին փրկարարները հայտնաբերել են բնակարանի հյուրասենյակի բազմոցին` նյարդային դյուրագրգիռ վիճակում:
Ինչպես «Արմենպրես»-ին տեղեկացրին ՀՀ ԱԻՆ լրատվական բաժնից, հոգեբանական խորհրդատվության գծով հրահանգիչը բնակարանի բնակիչներին` Հ. Մ.-ին և Գ. Ա.-ին ցուցաբերել է հոգեբանական աջակցություն:
Ավելի վաղ ԱԻՆ ծառայությունը հայտնել էր, որ դեպքի վայր էին մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը, հոգեբանական աջակցության բաժնի հոգեբանական խորհրդատվության գծով հրահանգիչը և «Աղետների բժշկության կենտրոն» ՊՈԱԿ-ի հերթապահ խումբը:
Բաժանորդագրվեք մեր ալիքին Telegram-ում