Ժամանակը Երևանում՝ 11:07:36,   19 Նոյեմբեր

Հայրենիքի պաշտպանի վերականգնողական կենտրոնն ընդլայնվելու է


ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Հայրենիքի պաշտպանի վերականգնողական կենտրոնը կընդլայնվի:

«Արմենպրես»-ի հաղորդմամբ՝ լրագրողների հետ զրույցում այս մասին հայտարարեց  Հերացու անվան բժշկական համալսարանի ռեկտոր Արմեն Մուրադյանը: Նրա խոսքով՝ կենտրոնը ծրագրեր է իրականացնում ուսումնական սենյակների հետ կապված: «Կենտրոնում մենք արդեն ունենք լեզվի ուսուցման, ծրագրավորման, երաժշտական սենյակներ: Բոլոր ուղղությունները փորձում ենք ավելի ընդլայնված ցույց տալ: Նախագծային աշխատանքները  դեռևս շարունակվում են , հուսով եմ, մինչև տարեվերջ երկրորդ փուլը կավարտենք»,-ասաց Մուրադյանը՝ հավելելով, որ այս  պահին վերականգնողական կենտրոնը լիարժեք աշխատում է իր ողջ հզորությամբ, իսկ այնտեղ բուժում ստացող  տղաներն ունեն ակնառու փոփոխություններ շարժունակության հետ կապված:

«Նրանց դեմքին արդեն ժպիտ է երևում, իսկ դա նշանակում է, որ մեր աշխատանքները պետք է էլ ավելի մեծ թափով առաջ գնան»,-հավելեց ԵՊԲՀ ռեկտորը:

Անդրադառնալով հերոսների պուրակի ստեղծման աշխատանքներին՝ Արմեն Մուրադյանը նշեց, որ նախագիծն արդեն ճարտարապետաշինարարական համալսարանի ուսանողներն ու դասախոսները պատրաստել են անվճար հիմունքներով: Պուրակի ստեղծման համար էլ որոշ դրամական միջոցներ է կուտակվում: Այս նախագիծը կենտրոնում բուժում ստացող զինվորների համար բիզնեսի հնարավորություն է ստեղծում, որպեսզի նրանք այստեղ կարողանաև նաև վաստակել:

Նոր կառավարության հետ կապված հարցին էլ ռեկտորը պատասխանեց, որ խոսել է առողջապահության նոր նախարարի հետ, և նա յուրաքանչյուր հարցում պատրաստ է աջակցել:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ