Ժամանակը Երևանում՝ 11:07:36,   14 Օգոստոս

Արցախի ԱԺ նախագահը հյուրընկալել է ստոմատոլոգների միջազգային վեհաժողովի մասնակիցներին

Արցախի ԱԺ նախագահը հյուրընկալել է ստոմատոլոգների միջազգային վեհաժողովի 
մասնակիցներին

ՍՏԵՓԱՆԱԿԵՐՏ, 28 ՄԱՅԻՍԻ, ԱՐՄԵՆՊՐԵՍ: Արցախի Ազգային ժողովի նախագահ Աշոտ Ղուլյանը մայիսի 28-ին ընդունել է Ստոմատոլոգների առաջին հայ-ամերիկյան վեհաժողովի և ստոմատոլոգների իններորդ միջազգային վեհաժողովի մասնակիցներին:

Ինչպես «Արմենպրես»-ին տեղեկացրին Արցախի Հանրապետության Ազգային ժողովի լրատվության և հանրության հետ կապերի բաժնից, խորհրդարանի նախագահը նախ շնորհավորել է ներկաներին հայ ժողովրդի կյանքում նշանակալի օրվա՝ Հայաստանի առաջին Հանրապետության հռչակման 100-ամյակի առթիվ և կարևորել օրվա խորհուրդը մեր ժողովրդի պատմության մեջ:

Այնուհետև ողջունելով վեհաժողովի մասնակիցների հերթական հավաքը Ստեփանակերտում՝ ընդգծել է, որ արդեն ավանդույթ դարձած միջոցառումը կարևոր դեր ունի Արցախում համապատասխան ոլորտի զարգացման և կատարելագործման տեսանկյունից, ինչպես նաև վստահություն հայտնել, որ ձևավորված համագործակցությունը լինելու է շարունակական:

Հանդիպմանը մասնակցել են ԱՀ առողջապահության նախարար Կարինե Աթայանը և փոխնախարար Կարեն Բազիյանը:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ