1000х90.jpg (78 KB)

Երևանում՝ 11:07,   28 Մարտ 2024

Մեր նախնիների սխրանքի շնորհիվ հնարավոր եղավ կերտել մեր ապագան. Տարոն Մարգարյանի ուղերձը

Մեր նախնիների սխրանքի շնորհիվ հնարավոր եղավ կերտել մեր ապագան. Տարոն Մարգարյանի ուղերձը

ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Երևանի քաղաքապետ Տարոն Մարգարյանը շնորհավորական ուղերձ է հղել Հանրապետության օրվա առթիվ: Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, ուղերձում ասվում է.

«Սիրելի հայրենակիցներ,

շնորհավարում եմ բոլորիս Հանրապետության օրվա առթիվ: Այս տարի լրանում է մեր առաջին հանրապետության ստեղծման 100-ամյակը՝ հոբելյան, որը առանձնահատուկ է իր խորհրդով և նշանակությամբ: Մեկ դար առաջ հայ ժողովուրդը բռունցքվեց և ցուցաբերելով աներևակայելի կամք ու հերոսություն, պաշտպանեց իր գոյության և հարատևելու իրավունքը: Սարդարապատի, Բաշ-Ապարանի և Ղարաքիլիսայի ճակատամարտերում, չնայած թշնամու թվային և զինական բացահայտ առավելությանը, հայկական նորակազմ զինված ուժերը, բնակչության բոլոր խավերը ներկայացնող աշխարհազորի աջակցությամբ, ջախջախեցին հայկական վերջին հողակտորը զավթել փորձող թուրքական կանոնավոր բանակը: Հենց այդ ժամանակ սկիզբ դրվեց մայիսյան մեր հաղթանակներին և հենց դրանց շնորհիվ ծանրագույն վիճակում գտնվող, շրջափակված, հազարավոր գաղթականներով ու սովյալներով լցված մեր երկիրը կարողացավ անկախություն հռչակել ու ձեռնամուխ լինել ազգային պետության ստեղծմանը:

Մենք հիշում և հպարտանում ենք մեր նախնիներով, որոնց շնորհիվ այսօր կանք և ունենք մեր երկիրը: Ու հենց նրանց սխրանքի շնորհիվ հնարավոր եղավ կերտել մեր ապագան՝ դառնալով ավելի ուժեղ ու պաշտպանված: 

Մեկ անգամ ևս շնորհավորելով Հանրապետության օրվա առթիվ՝ մաղթում եմ, որ արժանապատվորեն շարունակենք մեր նախնիների շնորհակալ գործը, շենացնենք և հզորացնենք մեր հայրենիքը՝ գալիք սերունդներին ավելի զարգացած, ամուր և բարեկեցիկ երկիր փոխանցելու հաստատակամությամբ»:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]