«Յունիգրաֆ-Իքս» ընկերության խախտումների համար պատասխանատու է միայն այդ կազմակերպությունը. Տարոն Մարգարյան
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: «Յունիգրաֆ-Իքս» ընկերությունը բաց ընթացակարգով է անցել մրցույթը, ու եթե խախտումներ են արձանագրվել, ապա դրանց համար պատասխանատու է միայն այդ ընկերությունը: «Արմենպրես»-ի փոխանցմամբ՝ մայիսի 26-ին լրագրողների հետ զրույցում անդրադառնալով «Յունիգրաֆ-Իքս» ընկերությունում բացահայտված չարաշահումներին, նման համոզմունք հայտնեց Երևանի քաղաքապետ Տարոն Մարգարյանը:
«Այդ բացահայտումների ուղղությամբ ևս իրավապահ մարմիններն աշխատանքներ են տանում»,-հավելեց քաղաքապետը:
ՀՀ ոստիկանությունը յուրացումներ է հայտնաբերել Երևանում թափառող շների ստերջացման և պատվաստման ծառայությունների մատուցման ընթացքում։ Թափառող շների ստերիլիզացման և քնեցման ծառայության ոլորտում մենաշնորհ վայելող «Յունիգրաֆ-Իքս» ընկերությունը յուրացվել է շուրջ 185 միլիոն դրամ: Պարզվել է նաև, որ «Յունիգրաֆ-Իքս» ՍՊ ընկերության գործունեության վերահսկողությունը ստանձնել էր Երևանի քաղաքապետարանի աշխատակազմի առևտրի և սպասարկումների վարչությունը:
Կատարվում է հետաքննություն, ձեռնարկվում են միջոցառումներ պետությանը պատճառված ամբողջ վնասի չափը պարզելու ուղղությամբ
Բաժանորդագրվեք մեր ալիքին Telegram-ում