Հայաստանի պատմական իրադարձություններն ուսումնասիրելու նպատակով պատմաբանն անհրաժեշտ է համարում ասպիրանտների պատրաստումը
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Հայաստանի առաջին հանրապետության պատմական իրադարձությունների ուսումնասիրման համար նախատեսվում է ասպիրանտներ պատրաստել:
«Արմենպրես»-ի հաղորդմամբ` լրագրողների հետ զրույցում, անդրադառնալով ուսանողների` պատմական իրադարձությունների նկատմամբ վերաբերմունքին, այս մասին ասաց Երևանի պետական համալսարանի Պատմության ֆակուլտետի դեկան Էդիկ Մինասյանը:
«Առաջին հանրապետության պատմական իրադարձությունների մեջ մենք բացեր ունենք, այդ պատճառով անհրաժեշտ է ասպիրանտներ պատրաստել, որպեսզի ուղարկենք Մոսկվա: Այնտեղի արխիվները դեռևս ուսումնասիրված չեն, քանի որ փակ են: Բայց, այսօր արդեն հնարավոր է, որպեսզի բացվեն այդ արխիվները և ուսումնասիրվեն: Ուսանողության մեջ բավականաչափ հետաքրքրվածություն կա առաջին հանրապետության հարցերի ուսումնասիրության ոլորտում: Վերջին տարիներին շատ խորն ուսումնասիրություններ են արվել, նույնիսկ մի քանի թեզ է պաշտպանվել, բայց այդքանը բավական չէ, պետք են ավելի շատ ուսումնասիրություններ: Այդպիսով քննական վերլուծությամբ նորովի կներկայացվեն փաստերը ու համեմատություններ կանցկացվեն»,- նշեց Մինասյանը:
Խոսելով այդ մասով Հայաստանի արխիվների վերաբերյալ՝ նա ընդգծեց, որ դրանք ընդհանրապես աղքատիկ չեն և նույնիսկ բավականին մանրամասն է ամեն ինչ ներկայացված:
Այն ասպիրանտների համար, ում նախատեսվում է ուղարկել Մոսկվա արխիվներն ուսումնասիրելու, թեմաներն արդեն իսկ որոշված են:
Բաժանորդագրվեք մեր ալիքին Telegram-ում