ԵՄ-ն Բահամյան կղզիները եւ Սենթ-Քիթսն ու Նեւիսը բացառեց օֆշորների սեւ ցուցակից
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Եվրամիությունը երկու կղզի պետությունները՝ Բահամյան կղզիները եւ Սենթ-Քիթսն ու Նեւիսը, բացառել Է այն օֆշորների սեւ ցուցակից, որոնք հարկ եղած միջոցները չեն ձեռնարկում ֆինանսական թափանցիկության ապահովման եւ հարկային հանցագործությունների դեմ պայքարելու համար: Այդ որոշումը մայիսի 25-ին ընդունվել Է ԵՄ-ի խորհրդի՝ տնտեսությանը եւ ֆինանսներին նվիրված նիստում, ինչի մասին հայտնել Է Եվրահանձնաժողովի փոխղեկավար Վալդիս Դոմբրովսկիսը հանդիպման արդյունքներին նվիրված մամուլի ասուլիսում, տեղեկացնում Է «Արմենպրես»-ը:
Այսպիսով՝ ԵՄ-ի այս սեւ ցուցակում մնացել են յոթ պետություններ ու տարածքներ՝ Ամերիկյան Սամոան, Գուամը, Նամիբիան, Պալաուն, Սամոան, Տրինիդադը եւ Տոբագոն, ինչպես նաեւ Ամերիկյան Վիրջինյան կղզիները, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում