Մեկնարկում է Հայաստանի վոլեյբոլի առաջնությունը
14:32, 25 Մայիս 2018
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Երևանում կմեկնարկի վոլեյբոլի պատանիների և աղջիկների մինչև 15 տարեկանների վոլեյբոլի Հայաստանի Հանրապետության 2018 թվականի առաջնության եզրափակիչ փուլը։
«Արմենպրես»-ի հաղորդմամբ` միմյանց հետ ուժերն են չափելու տղաների (Արաբկիր, ԽՄՕՄՄ, Աջափնյակ, Վանաձոր, Հնաբերդ, Սիսիան) և աղջիկների 6-ական (ԽՄՕՄՄ, Ավան, Սիսիան,Արցախ, Աշտարակ, Արթիկ) թիմեր: Առաջնության արդյունքները կամփոփվեն մայիսի 30-ին:
Նշենք, որ դեկտեմբերի 13-18-ը Երևանում նախատեսվում է անցկացնել Արևելյան Եվրոպայի երկրների մինչև 15 տարեկան տղաների առաջնությունը։
Բաժանորդագրվեք մեր ալիքին Telegram-ում