Ադրբեջանում համաներում ստացածների մեջ կան նաև ՌԴ քաղաքացիներ
11:46, 25 Մայիս 2018
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը Ադրբեջանի Ժողովրդական Հանրապետության 100-ամյակի կապակցությամբ համաներման վերաբերյալ հրամանագիր է ստորագրել:
Այս մասին, ինչպես հաղորդում է «Արմենպրես»-ը, հայտնում է ադրբեջանական minval.az-ը:
Համաներումը տարածվել է 634 անձի վրա, որոնցից 4-ը Ռուսաստանի Դաշնության քաղաքացիներ են:
Համաներումը տարածվել էր 634 անձի վրա, որոնցից ազատ է արձակվել 607-ը:
Համաներվածների մեջ քաղբանտարկյալներն ընդամենը 12-ն են:
Հիշեցնենք, որ Ադրբեջանի քաղբանտարկյալների հարցերով քաղաքացիական աշխատանքային խմբի տվյալների համաձայն՝ այդ երկրում կա 142 քաղբանտարկյալ, իսկ ըստ Քաղբանտարկյալների պաշտպանության կենտրոնի՝ 161:
Բաժանորդագրվեք մեր ալիքին Telegram-ում