Ժամանակը Երևանում՝ 11:07:36,   23 Հոկտեմբեր

Ալեքսանդր Եսայանը կշարունակի զբաղեցնել ԻՏՁՄ նախագահի պաշտոնը


ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Ինֆորմացիոն տեխնոլոգիաների ձեռնարկությունների միության (ԻՏՁՄ) 18-րդ տարեկան համագումարի ընթացքում ԻՏՁՄ նախագահ է վերընտրվել Ալեքսանդր Եսայանը:

«Արմենպրես»-ի փոխանցմամբ՝ սա Ալեքսանդր Եսայանի չորրորդ անընդմեջ ընտրությունն է ԻՏՁՄ նախագահի պաշտոնում: Այլ թեկնածու չի առաջադրվել, համագումարի անդամները միաձայն քվեարկել են նրա օգտին: ԻՏՁՄ անդամները բարձր են գնահատել նրա կատարած աշխատանքը նախորդ երեք տարիներին, ինչպես նաև որոշել են տալ հնարավորություն Ալեքսանդր Եսայանին շարունակել 2019-ին ՏՏ համաշխարհային համաժողովը (WCIT) Հայաստանում անցկացնելուն ուղղված աշխատանքները:

Մինչ համագումարը լրագրողների հետ զրույցում Ալեքսանդր Եսայանն, անդրադառնալով միության նախագահի պաշտոնում իր հնարավոր առաջադրմանը, նշեց. «Առաջադրումը բաց է, եթե ինձ առաջադրել, պատրաստ եմ շարունակել աշխատանքս այդ պաշտոնում»:

Մինչ 2015 թվականը ԻՏՁՄ-ն երկար տարիներ ղեկավարել է «Պիկսարտ» ընկերության հիմնադիր Հովհաննես Ավոյանը:

ԻՏՁՄ 18-րդ համագումարի բացմանը ներկա էր նաև ՀՀ վարչապետ Նիկոլ Փաշինյանը, ով հավաստիացրեց, որ ոլորտն ունի կառավարության լիակատար աջակցությունը:

 

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ