1000х90.jpg (78 KB)

Երևանում՝ 11:07,   29 Մարտ 2024

Արաբական պետությունների լիգան դադարեցրեց համագործակցությունը Գվատեմալայի հետ

Արաբական պետությունների լիգան դադարեցրեց համագործակցությունը Գվատեմալայի հետ

ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Արաբական պետությունների լիգան (ԱՊԼ) լուծարել Է Գվատեմալայի ԱԳ նախարարության հետ փոխըմբռնման հուշագիրը եւ դադարեցրել համագործակցությունը լատինամերիկյան այդ երկրի հետ՝ Թել Ավիվից Երուսաղեմ նրա դեսպանության տեղափոխման պատճառով, տեղեկացնում Է «Արմենպրես»-ը:

«ԱՊԼ-ի գլխավոր քարտուղար Ահմեդ Աբու Գեյթի հրահանգներին համապատասխան, կազմակերպության քարտուղարությունը լուծարեց Գվատեմալայի ԱԳՆ-ի հետ 2013 թվականին ստորագրված փոխըմբռնման հուշագիրը, ինչպես նաեւ գվատեմալական կողմին ծանուցեց, որ բոլոր բնագավառներում համագործակցությունը չի շարունակվի Երուսաղեմի խնդրի նկատմամբ այդ երկրի դիրքորոշման պատճառով»,-ասված Է փաստաթղթում:

Մայիսի 16-ին Գվատեմալան դարձել Է կենտրոնամերիկյան առաջին երկիրը եւ ԱՄՆ-ից հետո աշխարհում երկրորդ երկիրը, որն իր դեսպանությունը Թել Ավիվից տեղափոխեց Երուսաղեմ: Այնուհետեւ նրանց օրինակին հետեւեց Պարագվայը: Ավելի վաղ ԱՊԼ-ն հայտարարել Է, որ մտադիր Է պլան մշակել ԱՄՆ-ի եւ ցանկացած այլ պետության կողմից Երուսաղեմն Իսրայելի մայրաքաղաք ճանաչելուն հակազդելու համար: Մասնավորապես, քաղաքական, իրավաբանական ու տնտեսական միջոցներ են մշակվում ապագայում նման քայլեր թույլ չտալու համար, հաղորդել Է ՌԻԱ Նովոստին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]