ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Անկախ Պետությունների Համագործակցությունից (ԱՊՀ) Ուկրաինայի դուրս գալը քաղաքակիրթ մոտեցման դեպքում կարող Է տեւել շուրջ մեկ տարի: Այս կարծիքը, ինչպես հաղորդել Է «Ինտերֆաքս»-ը, հայտնել Է ՌԴ ԱԳ նախարարության պաշտոնական ներկայացուցիչ Մարիա Զախարովան, տեղեկացնում Է «Արմենպրես»-ը:

«Ինչ վերաբերում Է ԱՊՀ-ից պաշտոնապես դուրս գալու գործընթաց սկսելու մտադրության վերաբերյալ Կիեւի արած հայտարարությանը, ապա այդ գործընթացը քաղաքակիրթ մոտեցման դեպքում կպահանջի որոշակի ժամանակ: Խոսքը մոտավորապես մեկ տարվա մասին Է»,-ասել Է ՌԴ ԱԳ նախարարության պաշտոնական ներկայացուցիչը: «Ուկրաինայի նախագահ Պյոտր Պորոշենկոյի՝ այդ կապակցությամբ արած հայտարարությունը դիտարկում ենք որպես հերթական ցուցադրական ակցիա՝ ուղղված այն բանին, որ տպավորություն գործի իր արեւմտյան հովանավորների վրա»,-նշել Է Զախարովան, հավելելով, որ «Կիեւի այդ քաղաքականացված գործողություններից տուժում են Ուկրաինայի հասարակ քաղաքացիները»:

Մայիսի 19-ին Պորոշենկոն հայտնել Էր, որ հրամանագիր Է ստորագրել ԱՊՀ-ի բոլոր կանոնադրական մարմիններից Ուկրաինայի բոլոր ներկայացուցիչներին հետ կանչելու մասին: