Մայրը որդու հսկայական խալը պատճենել Է իր դեմքի վրա, որպեսզի ոգեպնդի նրան
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Բրազիլիայի Կասերես քաղաքի բնակչուհիներից մեկը խնդրել Է իր դեմքի վրա նույնպիսի հսկայական խալ նկարել, ինչպիսին ունի իր երեխան: Այդ մասին, ինչպես տեղեկացնում Է «Արմենպրես»-ը, հայտնել Է The Independent-ը:
Խալը տարածվում Էր մեկ տարեկան Էնզո Սեստարիի ճակատի մեծ մասի, աջ այտի եւ քթի վրա: Նրա մայրը՝ 26-ամյա Կարոլինա Ժիրադելին, ուշադրություն Է դարձրել այն բանի վրա, որ մարդիկ հաճախակի են իր որդուն նայում խղճահարությամբ, արհամարհանքով եւ զզվանքով:
Չնայած դրան, նա եւ իր ամուսինը մշտապես աշխատել են ցույց տալ, որ իրենց երեխան նորմալ տղա Է, որին պակաս չեն սիրում, քան մյուս երեխաներին: Որդու վիճակում հայտնվելու համար կինը դիմել Է ծանոթներից մեկին, որը մասնագիտորեն զբաղվում Է դիմահարդարմամբ, եւ նրան խնդրել նույնպիսի խալ պատճենել սեփական դեմքի վրա: Դրանից հետո նա եկել Է տուն, լուսանկարվել Է որդու հետ, իսկ հետո ուղեւորվել աշխատանքի:
«Ոմանք ինձ նայում Էին դեմքի տարբեր արտահայտություններով, բայց ես միանգամայն հանգիստ Էի, որովհետեւ ինձ մայր Էի զգում, որն աշխարհում բոլորից շատ Է հպարտանում Է իր զավակով»,-ասում Է Ժիրալդելին:
Բաժանորդագրվեք մեր ալիքին Telegram-ում