Քաղաքապետարանն ընդունում է Երևանի շենքերի նկարազարդման համար էսքիզների առաջարկներ
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Երևան 2800-ամյակին ընդառաջ քաղաքապետարանը ցանկանում է Երևանում գտնվող որոշ շենքերի կողային հատվածներին իրականացնել նկարազարդման աշխատանքներ: «Արմենպրես»-ի փոխանցմամբ` Երևան քաղաքի գլխավոր դիզայներ Գագա Ամատունին ֆեյսբուքյան իր էջում հայտարարել է առաջարկների ընդունման մասին:
«Երևան 2800-ամյակին ընդառաջ ցանկանում ենք Երևան քաղաքում գտնվող որոշ շենքերի կողային հատվածներին իրականացնել նկարազարդման աշխատանքներ: Ակնկալում ենք ակտիվ համագործակցություն»,-գրել է Ամատունին:
Գլխավոր դիզայների կարծիքով` ցանկալի կլինի, որ նկարազարդման աշխատանքների էսքիզները պարունակեն տարրեր, որոնք կվկայակոչեն Երևանի 2800-ամյա հնագույն քաղաք լինելու փաստը:
Առաջարկությունները՝ էսքիզային տարբերակով կարելի է ուղարկել [email protected] էլեկտրոնային հասցեին, իսկ հարցերի դեպքում կապ հաստատել ՝ զանգահարելով 011514251 հեռախոսահամարով:
Բաժանորդագրվեք մեր ալիքին Telegram-ում