Գետաձիերն այծքաղին փրկել են կոկորդիլոսներից
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Հարավաֆրիկյան Հանրապետությունում գտնվող Կրյուգերի ազգային բնայգում սաֆարիի մասնակիցը տեսանկարել Է կոկորդիլոսների հարձակումն այծքաղի վրա, ինչին միջամտել են գետաձիերը: Հոլովակը հրապարակված Է YouTube-ում Kruger Sightings-ի ալիքում, տեղեկացնում Է «Արմենպրես»-ը:
Ջրում թաքնված կոկորդիլոսը գլխից բռնել Է ջուր խմող այծքաղներից մեկին: Նրան միացել Է մեկ այլ կոկորդիլոս, որը ժանիքներով բռնել Է կենդանու ոտքից: Միասին նրանք դիմադրող որսին քաշ են տվել ջրամբար:
Գետաձիերը, որոնք նստած Էին գետում, հետաքրքրությամբ հետեւում Էին իրենց քթի տակ տեղի ունեցող գոտեմարտին: Երբ կոկորդիլոսները շատ մոտ Էին հայտնվում, գետաձիերը կծում Էին նրանց: Դա օգնել Է այծքաղին ազատվել, եւ նա դեպի ափ Է լողացել: Գետաձիերը շրջապատել են նրան եւ հսկել նրան մինչեւ ափ հասնելը:
Բաժանորդագրվեք մեր ալիքին Telegram-ում