Ժամանակը Երևանում՝ 11:07:36,   15 Նոյեմբեր

Ալեն Սիմոնյանը «Ելք» խմբակցության ղեկավարի պաշտոնում տեսնում է Լենա Նազարյանին


ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Ազգային ժողովի «Ելք» խմբակցության նորընտիր պատգամավոր Ալեն Սիմոնյանը խմբակցության ղեկավարի պաշտոնում տեսնում է Լենա Նազարյանին: Ազգային ժողովում լրագրողների հետ զրույցում նա հայտնեց, որ խմբակցությունն առաջիկայում կորոշի խմբակցության ղեկավարի ընտրության հարցը:  

 «Կարծում եմ` մեկ օրվա ընթացքում մենք այդ որոշումը կհրապարակենք»,- «Արմենպրես»-ի փոխանցմամբ՝ ասաց  Սիմոնյանը:

Դիտարկմանը, թե լուրեր են շրջանառվում, որ Էդմոն Մարուքյանն է լինելու խմբակցության ղեկավարը, Սիմոնյանը պատասխանեց. «Ինձ համար նախընտրելի թեկնածուն Լենա Նազարյանն է»:

Ազգային ժողովի «Ելք» խմբակցության ղեկավարի պաշտոնը թափուր է մնացել այն բանից հետո, երբ մայիսի 8-ին Նիկոլ Փաշինյանն ընտրվեց վարչապետի պաշտոնում: Խորհրդարանում Նիկոլ Փաշինյանին փոխարինել է Ալեն Սիմոնյանը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ