Լավրովը եւ Չավուշօղլուն քննարկել են Սիրիային առնչվող խնդիրներ
14:08, 22 Մայիս 2018
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Ռուսաստանի եւ Թուրքիայի արտաքին գործերի նախարարներ Սերգեյ Լավրովը եւ Մեւլյութ Չավուշօղլուն քննարկել են սիրիական կարգավորման գործընթացի առաջխաղացման աշխատանքը «Աստանայի ձեւաչափով»: Այդ մասին, ինչպես տեղեկացնում Է «Արմենպրես»-ը, հայտնել Է ՌԴ ԱԳ նախարարությունը:
Դիվանագետները հեռախոսազրույց են անցկացրել մայիսի 22-ին, այն կայացել Է թուրքական կողմի նախաձեռնությամբ:
«Նախարարները քննարկել են մի շարք հրատապ հարցեր, որոնք փոխադարձ հետաքրքրություն են ներկայացնում, ներառյալ ՄԱԿ-ի Անվտանգության խորհրդի 2254 բանաձեւի հիման վրա սիրիական կարգավորման առաջխաղացման համատեղ աշխատանքը «Աստանայի ձեւաչափով»,-ասված Է ՌԴ արտաքին քաղաքական գերատեսչության կայքում զետեղված մեկնաբանության մեջ, հաղորդել Է ՌԻԱ Նովոստին:-0-/56/ 14.07
Բաժանորդագրվեք մեր ալիքին Telegram-ում