Արթուր Սարկիսովի «Ենիսեյ»-ը Ռուսաստանի Պրեմիեր լիգայի ուղեգիր նվաճեց
10:40, 21 Մայիս 2018
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի ազգային թիմի հարձակվող Արթուր Սարկիսովի թիմը՝ «Ենիսեյը» նվաճեց Ռուսաստանի Պրեմիեր լիգայի ուղեգիր:
«Արմենպրես»-ի հաղորդմամբ` Ռուսաստանի պրեմիեր լիգայի ուղեգրի անցումային խաղերում «Ենիսեյը» մրցում էր Մախաչկալայի «Անժիի» հետ: Թիմերի առաջին խաղում «Ենիսեյը» հաղթել էր 0:3 հաշվով, իսկ երկրորդ խաղում պարտվեց 4:3 հաշվով: «Ենիսեյը» նվաճեց առաջնության ուղեգիր:
Հայաստանի ազգային թիմի հարձակվող Արթուր Սարկիսովը մեկնարկային կազմում չէր, սակայն փոխարինման դուրս եկավ 52-րդ րոպեին: Հայ ֆուտբոլիստը վաստակեց նաև 11 մետրանոց հարվածի իրավունք:
Բաժանորդագրվեք մեր ալիքին Telegram-ում