Հայաստանի հրաձգության երիտասարդական առաջնության հաղթողները հայտնի են
10:35, 21 Մայիս 2018
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Ավարտվեց Հայաստանի հրաձգության երիտասարդական առաջնությունը:
«Արմենպրես»-ի հաղորդմամբ` օդամղիչ հրացան 10 մետր տղաներ 60 կրակոց վարժությունում լավագույն արդյունք գրանցեց Հայկ Բաբայանը: Աղջիկների պայքարում առաջին տեղը գրավեց Ալլա Պողոսյանը:
Բենիկ Խլղաթյանը և Նարե Գաբրիելյանն անգերազանցելի էին օդամղիչ ատրճանակ 10 մետր վարժությունում:
Վազող թիրախ, վազող թիրախ խառը վազք վարժություններում ոսկե մեդալներ նվաճեցին Գոհար Վարդանյանը և Հովհաննես Մարգարյանը:
ՀՀ երիտասարդների առաջնության լավագույն մարզիկ ճանաչվեց ՀովհաննեսՄարգարյանը, ով արժանացավ նաև դրամական պարգևի, որը նրան հանձնեց ֆեդերացիայի նախագահ Արթուր Հովհաննիսյանը:
Բաժանորդագրվեք մեր ալիքին Telegram-ում