ԱՄՆ-ում ավտոմոբիլի վարորդը խոյահարել Է ռեստորանի շենքը
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: ԱՄՆ-ի Հյուսիսային Կարոլինայի նահանգում ավտոմոբիլի վարորդը զարկվել Է ռեստորանի շենքին, երկու մարդ զոհվել Է, եւս առնվազն երկու հոգի վնասվածքներ Է ստացել: Այդ մասին, ինչպես տեղեկացնում Է «Արմենպրես»-ը, հայտնել Է Gaston Gazette հրատարակությունը:
Ինչպես հայտնել են ոստիկանությունում, միջադեպը տեղի Է ունեցել մայիսի 20-ին Բեսեմեր Սիթի ոչ մեծ քաղաքի ռեստորաններից մեկում տեղական ժամանակով 12:00-ին (Երեւանի ժամանակով 20:00-ին): Ականատեսների տեղեկատվությամբ՝ տեղացի մի ընտանիք մտել Է ռեստորան ճաշելու, որոշ ժամանակ անց ընտանիքի հայրը վեր Է կացել, դուրս եկել ռեստորանից, նստել ավտոմեքենան եւ մխրճվել ռետորանի շենքի մեջ, գրում Է հրատարակությունը:
Նշվում Է, որ միջադեպի հետեւանքով զոհվել Է կասկածյալի դուստրը եւ ընտանիքի եւս մեկ անդամ: Պատահարի պատճառները ճշտվում են, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում