ՉԺՀ-ն ԱՄՆ-ից նավթ ու գազ կգնի տեխնոլոգիաների արտահանման սահմանափակումների վերացման դեպքում. Global Times
ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Չինաստանը կարող Է ԱՄՆ-ից նավթ, գազ եւ ածուխ գնել ՉԺՀ բարձր տեխնոլոգիաների արտահանման ամերիկյան սահմանափակումների վերացման պայմանով: Մայիսի 18-ին այս մասին գրել Է Global Times թերթը՝ մեկնաբանելով Վաշինգտոնում ընթացող երկկողմ բանակցությունները ՉԺՀ-ի Պետխորհրդի փոխվարչապետ Լյու Հեի եւ Չինաստանի այլ պաշտոնատար անձանց մասնակցությամբ, տեղեկացնում Է «Արմենպրես»-ը:
Դրա հետ մեկտեղ հրատարակությունն ընդգծում Է, որ Պեկինը չի հրաժարվի իր բազային շահերից Վաշինգտոնի հետ առեւտրական վեճում:
«Բանակցությունների ընթացքում Չինաստանն սկզբունքային զիջումներ չի անի, ինչպես նաեւ մտադիր չԷ սակարկել արմատական շահերը հանուն համաձայնության ձեռքբերման»,- մեջբերում Է հրատարակությունը ՉԺՀ-ի Հասարակական գիտությունների ակադեմիայի փորձագետ Լի Չունդինի կարծիքը: Նա հիշեցնում Է, որ բարձր տեխնոլոգիաները եւ ագրարային ճյուղը բանակցությունների հիմնական թեմաների թվում են, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում