Ժամանակը Երևանում՝ 11:07:36,   21 Մայիս

Գյումրիում կրակոցներ են հնչել. կա երկու զոհ


ԳՅՈՒՄՐԻ, 17 ՄԱՅԻՍԻ, ԱՐՄԵՆՊՐԵՍ: Գյումրիում հնչել են կրակոցներ, կա 2 զոհ: Ինչպես «Արմեպրես»-ին տեղեկացրին Գյումրի բժշկական կենտրոնից մայիսի 17-ին՝ ժամը 17:15-ին Գյումրու բժշկական կենտրոն է տեղափոխվել հրազենային վնասվածքներով երկու քաղաքացի: Նրանք են Գյումրի քաղաքի բնակիչներ Վարդան Կ.-ն եւ Թելման Կ.-ն: Բժշկական կենտրոնում հաստատվել է նրանց մահը:

Շիրակի մարզի դատախազ Կարեն Գաբրիելյանը «Արմենպրես»-ին տեղեկացրեց, որ ՀՀ ոստիկանությունն ահազանգ ստացել է բժշկական կենտրոնից:

«Անմիջապես օպերատիվ խումբը պարզել է դեպքի վայրը, որը հանդիսանում է Գյումրու Միասնիկյան փողոցի տարածքը: Տվյալ պահին այդ վայրում օպերատիվ խումբը կատարում է անհրաժեշտ քննչական գործողություններ: Սպանվածներն, ըստ տվյալների, հանդիսանում են հորեղբոր որդիներ: Հարուցվել է քրեական գործ: Այս պահին կատարվում են բազմածավալ քննչական և օպերատիվ հետախուզական աշխատանքներ՝ հանգամանքները և մեղավորին, կամ մեղավորներին բացահայտելու ուղղությամբ»,-նշեց Կարեն Գաբրիելյանը:

Արմենուհի Մխոյան




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ