ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: ԱՊՀ-ի մասնակից պետությունների անվտանգության մարմինների եւ հատուկ ծառայությունների ղեկավարները Մոսկվայում քննարկել են ծայրահեղական սպառնալիքների չեզոքացման հարցերը ֆուտբոլի աշխարհի առաջնության նախաշեմին: Այդ մասին, ինչպես տեղեկացնում Է «Արմենպրես»-ը, հայտնել Է ՌԴ Անվտանգության դաշնային ծառայության հասարակական կապերի կենտրոնը:

«2018 թվականի ֆուտբոլի աշխարհի առաջնության անցկացման նախաշեմին հատուկ ծառայությունների ղեկավարները քննարկել են ծայրահեղական բնույթի սպառնալիքների չեզոքացման հարցերը, որոնք ազդում են դրա անվտանգության ապահովման վրա»,-ասված Է ԱԴԾ-ի հաղորդագրության մեջ:

Այստեղ ճշտել են, որ մայիսի 17-ին Մոսկվայում կայացել Է ԱՊՀ-ի մասնակից պետությունների անվտանգության մարմինների եւ հատուկ ծառայությունների ղեկավարների խորհրդի 44-րդ նիստը: Նիստում հիմնական ուշադրությունը դարձվել Է ահաբեկչության եւ անդրսահմանային կազմակերպված հանցավորության դեմ պայքարի ոլորտում համագործակցության հետագա կատարելագործմանը: Խորհրդի նիստի մասնակիցները նաեւ քննարկել են Աֆղանստանի հյուսիսում ստեղծված ռազմաքաղաքական իրադրությունը, դրա ազդեցությունը Կենտրոնասիական տարածաշրջանի օպերատիվ իրադրության զարգացման վրա, մշակել են ահաբեկչական գործունեության կանխարգելմանն ու կասեցմանն ուղղված լրացուցիչ միջոցառումներ:

«Նախանշվել են ահաբեկչական ուղղվածության հանցագործություններ կատարած անձանց միջպետական հետախուզման գծով ԱՊՀ-ի մասնակից պետությունների անվտանգության մարմինների, հատուկ ծառայությունների եւ իրավապահ մարմինների փոխգործակցության մակարդակի բարձրացման ուղիները»,-հայտնել են ԱԴԾ-ում: ԱՊՀ-ի Հակաահաբեկչական կենտրոնի ղեկավարը հաշվետվություն Է ներկայացրել 2017-2019 թվականներին ահաբեկչության եւ ծայրահեղականության այլ բռնի դրսեւորումների դեմ պայքարում ԱՊՀ-ի մասնակից պետությունների համագործակցության ծրագրի կատարման, ինչպես նաեւ 2017 թվականին Հակաահաբեկչական կենտրոնի գործունեության արդյունքների մասին, հաղորդել Է ՏԱՍՍ-ը: