Ժամանակը Երևանում՝ 11:07:36,   12 Նոյեմբեր

Հայաստանի մանուկներ հիմնադրամի եզակի ՍՄԱՐԹ կենտրոնի բացումը կկայանա մայիսի 27-ին

Հայաստանի մանուկներ հիմնադրամի եզակի ՍՄԱՐԹ կենտրոնի բացումը կկայանա 
մայիսի 27-ին

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Լոռու մարզի Դեբետ համայնքում Հայաստանի մանուկներ հիմնադրամի ՍՄԱՐԹ կենտրոնի բացումը կկայանա մայիսի 27-ին:  «Արմենպրես»-ին այս մասին տեղեկացրին  ՔՈԱՖ-ից:

 «ՍՄԱՐԹ կենտրոնի հայեցակարգի չորս հիմնասյուներն են նորարարությունը և ստեղծագործականությունը, լեզուն և հաղորդակցությունը, ձեռներեցությունը և տեղական տնտեսական զարգացումը, ակտիվ քաղաքացիությունը և անձնային զարգացումը»,-տեղեկացրին կենտրոնից։

ՍՄԱՐԹ նախաձեռնությունը մշակվել է Հայաստանի մանուկներ հիմնադրամի կողմից: Այն նպատակ ունի նորագույն տեխնոլոգիայի և բարձրակարգ մասնագետների շնորհիվ խթանել  գյուղական համայնքների զարգացումը, հնարավորություն ստեղծել տեղի բնակչության, հատկապես երիտասարդների և երեխաների համար տարբեր ոլորտներում լուրջ մասնագիտություն ձեռք բերելու:

ՍՄԱՐԹ ավանը բաղկացած է մի քանի կառույցից: Այն իր մեջ ներառելու է տեխնոլոգիայի, արվեստի և երաժշտության, լեզվագիտության, բիզնեսի, առողջապահության, լեզվաբանության և այլ ոլորտների ուսուցում: Կառուցվել են նաև ՍՄԱՐԹ սենյակներ, որոնք հնարավորություն են տալու գյուղական համայնքների և ՍՄԱՐԹ կենտրոնի միջև կապ ապահովելու՝ կիրառելով գերժամանակակից տեխնոլոգիաներ: Սենյակները նաև հնարավորություն են տալու հաղորդակցություն ապահովել ձմեռային ամիսներին, երբ ՍՄԱՐԹ կենտրոն այցելելը դժվար լինի:

«Հայաստանի մանուկներ» հիմնադրամի (COAF) տարեկան դրամահավաք-երեկույթի ժամանակ օսկարակիր դերասան Լեոնարդո Դի Կապրիոյի կողմից  նվիրաբերված 65 հազար դոլարը ևս ծառայել է Լոռու մարզում նոր եւ աշխարհում եզակի Սմարթ կենտրոնի ստեղծմանը:

ՍՄԱՐԹ կենտրոնի բացումն իրենց ներկայությամբ պատվելու են Հայաստանի մանուկներ հիմնադրամի բարերարները, աջակիցները, գործընկերները, Հայաստանի ղեկավարները, դեսպանները։ 

 

 




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ