ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Կեմերովոյում «Զիմնյայա վիշնյա» առեւտրաժամանցային կենտրոնի, որտեղ մարտի վերջին հրդեհի ժամանակ 60 մարդ զոհվեց, ապամոնտաժումը կսկսվի մայիսի 15-ին: Այդ մասին, ինչպես տեղեկացնում Է «Արմենպրես»-ը, «ՎԿոնտակտե» սոցցանցում հայտնել Է Կեմերովոյի մարզի նահանգապետի ժամանակավոր պաշտոնակատար Սերգեյ Ցիվիլյովը:

«Վաղը՝ մայիսի 15-ին, մենք ձեռնամուխ ենք լինում «Զիմնյայա վիշնյա» առեւտրի կենտրոնի ապամոնտաժմանը: Սեփականատերերի հետ բոլոր հարցերը կարգավորված են, Քննչական կոմիտեն հանել Է կալանադրումը: Աշխատանքները կսկսվեն պլանավորված ժամկետում»,- գրել Է Ցիվիլյովը:

Շենքն ունի շուրջ 40 սեփականատերեր, բայց հիմնականը՝ Կեմերովոյի հրուշակեղենի կոմբինատն, արդեն տվել Է մունիցիպալիտետի օգտին դրանից հրաժարվելու համաձայնությունը, բայց պատրաստ Է վճարելու նաեւ ամբողջությամբ վերցված շենքի քանդման եւ դրա տեղում այն բանի ստեղծման ծախսերը, ինչ կցանկանային տեսնել կեմերովցիները, հաղորդել Է «Ինտերֆաքս» գործակալությունը: