ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Եվրոպան չպետք Է համաձայնի Իրանի նկատմամբ պատժամիջոցները միակողմանի կարգով վերականգնելու ԱՄՆ-ի որոշմանը իրանական միջուկային ծրագրի վերաբերյալ համաձայնագրից նրա դուրս գալուց հետո: Այդ մասին, ինչպես հաղորդել Է ՌԻԱ Նովոստին, մայիսի 10-ին հայտարարել Է ֆինանսների հարցերով եվրակոմիսար Պիեռ Մոսկովիսին, տեղեկացնում Է «Արմենպրես»-ը:

«Եվրոպացիները պետք Է մերժեն (այդ որոշման) հետեւանքները, որոնք վնաս են բերում՝ լինեն դրանք ռազմական, քաղաքական կամ տնտեսական: Նրանք պետք Է մոբիլիզացնեն իրենց ջանքերը, որպեսզի մնան միասնական, որպեսզի պատասխաններ գտնեն եւ չընդունեն այդ միակողմանի պատժամիջոցները»,- ասել Է Մոսկովիսին՝ ելույթ ունենալով France3 հեռուստաալիքով:

Նրա խոսքով՝ միջուկային գործարքից դուրս գալու Վաշինգտոնի որոշումից հետո Եվրոպայի եւ ԱՄՆ-ի միջեւ առաջացել Է «շատ խորը տարաձայնություն, որը չպետք Է մնա առանց հետեւանքների»: