Վարչապետի պաշտոնում Փաշինյանի թեկնածությանը կողմ է քվեարկել ՀՀԿ խմբակցության 13 պատգամավոր
14:58, 8 Մայիս 2018
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Հայաստանի Հանրապետության վարչապետի պաշտոնում Նիկոլ Փաշինյանի թեկնածությանը կողմ է քվեարկել խորհրդարանում մեծամասնություն կազմող ՀՀԿ խմբակցության 13 պատգամավոր:
Ինչպես հաղորդում է «Արմենպրես»-ը, այդ պատգամավորներն են Մանվել Գրիգորյանը, Կնյազ Հասանովը, Արսեն Միխայլովը, Միհրան Պողոսյանը, Արտակ Սարգսյանը, Սամվել Ալեքսանյանը, Մուրադ Մուրադյանը, Շիրակ Թորոսյանը, Սեդրակ Սարոյանը, Ֆելիքս Ցոլակյանը, Արայիկ Գրիգորյանը, Աշոտ Արսենյանը և Արման Սահակյանը:
Խորհրդարանը մայիսի 8-ին ՀՀ վարչապետի պաշտոնում ընտրեց Նիկոլ Փաշինյանին: Նրա օգտին քվեարկեց 59 պատգամավոր, Փաշինյանի թեկնածությանը դեմ քվեարկեց 42 պատգամավոր:
Բաժանորդագրվեք մեր ալիքին Telegram-ում