Թրամփը պատմական Է որակել ԿԺԴՀ-ի առաջնորդի եւ Հարավային Կորեայի նախագահի հանդիպումը
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը պատմական Է որակել ապրիլի 27-ին Փանմունջոմ սահմանամերձ վայրում ԿԺԴՀ-ի առաջնորդ Կիմ Չեն Ինի եւ Հարավային Կորեայի նախագահ Մուն Չժե Ինի հանդիպումը: Այդ մասին նա գրել Է Twitter-ի իր Էջում, տեղեկացնում Է «Արմենպրես»-ը: «Հրթիռների արձակումների եւ միջուկային փորձարկումների խելահեղ տարվանից հետո այժմ պատմական հանդիպում Է տեղի ունենում ԿԺԴՀ-ի եւ Հարավային Կորեայի միջեւ: Լավ բաներ պատահում են, բայց ժամանակը ցույց կտա, թե ինչ կլինի հետագայում»,-գրել Է Թրամփը:
Նախագահը նաեւ կարծում Է, որ ԱՄՆ-ը ու նրա քաղաքացիները պետք Է հպարտանան նրանով, ինչ այժմ տեղի Է ունենում Կորեական թերակղզում:
«Կորեական պատերազմը կավարտվի՛: ԱՄՆ-ը եւ նրա բոլոր հիանալի մարդիկ պետք Է հպարտանան նրանով, ինչ այժմ տեղի Է ունենում Կորեայում»,-գրել Է նա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում