Փաշինյանը հանդիպել է ՀՅԴ ներկայացուցիչներ Արսեն Համբարձումյանի և Արմեն Ռուստամյանի հետ
10:30, 27 Ապրիլ 2018
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: ՀՀ Ազգային ժողովի «Ելք» խմբակցության ղեկավար Նիկոլ Փաշինյանը ապրիլի 26-ի երեկոյան հանդիպել է ՀՅԴ Հայաստանի ԳՄ ներկայացուցիչ Արսեն Համբարձումյանի և ԱԺ ՀՅԴ խմբակցության ղեկավար Արմեն Ռուստամյանի հետ։ Ինչպես հաղորդում է «Արմենպրես»-ը, այս մասին նա գրառում է կատարել ֆեյսբուքյան իր էջում:
«Քննարկեցինք ՀՀ-ում ստեղծված ներքաղաքական վիճակը և լուծման հնարավոր ուղիները»,- հայտնել է Փաշինյանը։
Հանդիպման մասին ավելի ուշ հայտարարություն է տարածել նաև ՀՅԴ Հայաստանի ԳՄ ներկայացուցիչ Արսեն Համբարձումյանը՝ նշելով, որ «հանդիպումն օգտակար էր»:
Բաժանորդագրվեք մեր ալիքին Telegram-ում