Չինաստանում գտել են աշխարհի ամենախոշոր մոծակին
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Չինացի գիտնականները հայտնաբերել են խոշոր մոծակ, որի թեւերի բացվածքը հասնում Է 11,15 սանտիմետրի: Պնդում են, որ այն աշխարհում խոշորագույնն Է այս տեսակի միջատների թվում, տեղեկացնում Է «Արմենպրես»-ը: Մոծակին հայտնաբերել են անցյալ տարվա օգոստոսին Սիչուանի հարավարեւմտյան նահանգի լեռներում գիտարշավի ժամանակ, որը կազմակերպել Էր միջատաբան Չժաո Լին:
Նա Չենդու քաղաքում Արեւմտյան Չինաստանի Միջատների թանգարանի տնօրենն Է, որտեղ մայիսին կներկայացնի իր գտածոն: Մասնագետը մի քանի ամիս Է ծախսել միջատի մանրամասն ուսումնասիրման համար, որպեսզի վերջնականապես համոզվի, որ այն հավակնում Է խոշորագույնի կոչմանը: Չնայած այն բանին, որ նման մոծակները սարսափազդու տեսք ունեն, դրանք չեն դասվում արյունածուծների կարգին, վատ են թռչում եւ վնաս չեն պատճառում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում