Միլիարդատեր Իվանիշվիլին համաձայնեց գլխավորել Վրաստանի կառավարող կուսակցությունը
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Վրաստանի նախկին վարչապետ միլիարդատեր Բիձինա Իվանիշվիլին համաձայնել Է գլխավորել «Վրացական երազանք» կառավարող կուսակցությունը: Այդ մասին, ինչպես տեղեկացնում Է «Արմենպրես»-ը, վարչապետ Գիորգի Կվիրիկաշվիլին հայտնել Է ապրիլի 26-ին կուսակցության ղեկավարության նիստից հետո կայացած ճեպազրույցում:
«Անձամբ ես եւ կուսակցության ողջ ղեկավարությունը նրա հիմնադիր Բիձինա Իվանիշվիլիին խնդրել ենք գլխավորել «Վրացական երազանքը», եւ նա համաձայնել Է»,-ասել Է Կվիրիկաշվիլին, որը կուսակցությունը գլխավորում Էր մինչեւ այդ պահը:
Իվանիշվիլին Վրաստանի վարչապետն Է եղել 2012 թվականի հոկտեմբերի 25-ից մինչեւ 2013 թվականի նոյեմբերի 20-ը: Ավելի վաղ միլիարդատերը քանիցս հայտարարել Է, որ չի պատրաստվում վերադառնալ քաղաքականություն: Մինչդեռ վրացական ընդդիմությունը նրան մշտապես մեղադրում Է երկրի «ստվերային» կառավարման մեջ:
Բաժանորդագրվեք մեր ալիքին Telegram-ում