1000х90.jpg (78 KB)

Երևանում՝ 11:07,   29 Մարտ 2024

Կարեն Կարապետյանի համար ընդունելի չէ ժողովրդի թեկնածու ընտրելու Փաշինյանի առաջարկած ձևը

Կարեն Կարապետյանի համար ընդունելի չէ ժողովրդի թեկնածու ընտրելու Փաշինյանի 
առաջարկած ձևը

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Հայաստանի վարչապետի ժամանակավոր պաշտոնակատար Կարեն Կարապետյանի համար ընդունելի չէ Ազգային ժողովի պատգամավոր Նիկոլ Փաշինյանի՝ ժողովրդի թեկնածուի ընտրության ձևի մասին առաջարկությունը:

«Ես որևէ երկիր չգիտեմ, որ ժողովրդի թեկնածուն այդպես ընտրվի, դրա համար գոյություն ունեն ընտրություններ: Հիմա մեկ քաղաքացու համար ինչ-որ մեկն է ընդունելի, մեկ ուրիշի համար բոլորովին այլ գործիչ է ընդունելի, ինչպե՞ս մենք վարվենք: Ժողովրդի ընտրյալն այդպես չի ընտրվում: Առաջարկում եմ անցկացնել արտահերթ խորհրդարանական ընտրություններ, և եթե ժողովրդի թեկնածուն ինքն է, ապա ինքը կգնա»,-«Արմենպրես»-ի հաղորդմամբ՝ ասաց Կարեն Կարապետյանը:

Նրա խոսքով, թող քաղաքական ուժերը հանդիպեն, հավաքվեն, քննարկեն, դրա համար էլ հարթակ է առաջարկվում:

«Մենք մշակել ենք օրենքներ, Սահմանադրություն, այդ դաշտից չենք կարող դուրս գալ: Այնպես չէ, որ մի քաղաքական ուժի կամքով, թելադրանքով է արվում, թող բոլորը նստեն, որոշեն ինչպես ենք անցկացնում արտահերթ ընտրություններ: Օրենքն է այդպես ասում, ժողովրդի ընտրյալն ընտրվում է ընտրություններով, հայտանիշը ընտրությունն է, եթե գիտեք որևէ երկիր, որ այլ ձևով է ընտրվում, ինձ ասեք»,-ասաց Կարեն Կարապետյանը: Նա ընդգծեց, որ առավելագույնս անհրաժեշտ է վերադառնալ բնականոն կյանքին:

Ապրիլի 24-ին Նիկոլ Փաշինյանն արտասահմանյան լրատվամիջոցների մասնակցությամբ հրավիրված ասուլիսում նշել էր, որ ժողովրդի թեկնածուն կորոշվի Հանրապետության հրապարակում: Կհայտարարվի թեկնածուի անունը, հանրության արձագանքով կորոշվի, թե ով է ժողովրդի թեկնածուն:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]