Ժամանակը Երևանում՝ 11:07:36,   15 Օգոստոս

Հարգում ենք բոլոր զոհերի հիշատակը և համամարդկային համընդհանուր արժեքները. Անն Իդալգո

Հարգում ենք բոլոր զոհերի հիշատակը և համամարդկային համընդհանուր արժեքները. 
Անն Իդալգո

ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Հայոց ցեղասպանության 103-րդ տարելիցի կապակցությամբ Փարիզի քաղաքապետարանում տեղի է ունեցել հիշատակի արարողություն: «Ես ցանկանում եմ ողջունել Փարիզի բոլոր հայերին: Ցեղասպանությունը վերաբերում է ողջ մարդկությանը: Միասին մենք հարգում ենք բոլոր զոհերի հիշատակը և հարգում համամարդկային համընդհանուր արժեքները»- «Արմենպրես»-ի փոխանցմամբ, միջոցառման սկզբում ասել է Փարիզի քաղաքապետ Անն Իդալգոն:

Միջոցառմանը ներկա են եղել Ֆրանսիա-Հայաստան բարեկամության խմբի նախագահ Ժակ Մարիլոսյանը, Ֆրանսիայում Արցախի ներկայացուցիչ Հովհաննես Գևորգյանը, ֆրանսիացի և հայ քաղաքական, հասարակական մի շարք գործիչներ:

Ֆրանսիայում հայկական կազմակերպությունները համակարգող խորհրդի նախագահ Արա Թորանյանը շնորհակալություն է հայտնել Անն Իդալգոյին կազմակերպած հիշատակի արարողության կապակցությամբ: «Ցեղասպանությունը կոչ է անում հաստատել կյանքի, բարեկամության և համերաշխության գերակայությունը»,- ասել է Արա Թորանյանը:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ