ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: YouTube տեսածառայությունը 2017 թվականի վերջին երեք ամսում 8 միլիոն անընդունելի նյութ Է հեռացրել: Այս մասին, ինչպես հաղորդել Է ՏԱՍՍ-ը, ասված Է Googl գլոբալ որոնողական համակարգի զեկույցում, որին պատկանում Է առցանց-տեսահոստինգը: Այդ տեսակի առաջին փաստաթղթի տվյալներն ապրիլի 24-ին հրապարակել Է բրիտանական The Sun թերթը, տեղեկացնում Է «Արմենպրես»-ը:

Հեռացված նյութերի մեծ մասն իրենից ներկայացնում Է «սպամ կամ ներբեռնված նյութեր մեծահասակների համար»: Հեռացման դեպքում համակարգը տեսահոլովակի մանրամասները պահպանում Է մաթեմատիկական կոդի ձեւով, եւ եթե որեւԷ մեկը փորձում Է կրկին ներբեռնել այն, ապա այն ավտոմատ արգելափակվում Է, ասված Է զեկույցում: Ընդամենը 28,7 միլիոն գանգատ Է ստացվել տեսածառայության օգտատերերից: Ըստ որում 9 միլիոնը (30 տոկոսը) վերաբերել Է պոռնոգրաֆիային, 8 միլիոնը (27 տոկոսը)՝ սպամին կամ մոլորության մեջ գցող հաղորդագրություններին, 4,6 միլիոնը (16 տոկոսը)՝ ատեցողականներին կամ վիրավորականներին, 4 միլիոնը (14 տոկոսը)՝ բռնի կամ վանող հաղորդագրություններին, 2,3 միլիոնը (8 տոկոսը)՝ վնասակար կամ վտանգավոր գործողություններին, 491 հազարը (2 տոկոսը)՝ ահաբեկչության քարոզին:

Անընդունելի տեսահոլովակների համար ամենից շատ գանգատներ տեսահոսթինգին ուղարկվել են Հնդկաստանից, ԱՄՆ-ից, Բրազիլիայից, Ռուսաստանից եւ Գերմանիայից: Առաջին տասնյակ են մտել նաեւ Մեծ Բրիտանիան, Մեքսիկան, Թուրքիան, Ինդոնեզիան եւ Սաուդյան Արաբիան: