«Լիվերպուլ»-«Ռոմա». Չեմպիոնների լիգայի կիսաեզրափակիչից առաջ
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Ֆուտբոլի Չեմպիոնների լիգայում կկայանա կիսաեզրափակիչի առաջին հանդիպումը` «Լիվերպուլ»-«Ռոմա»:
«Արմենպրես»-ի հաղորդմամբ` իտալական «Ռոմա»-ին երբեք չի հաջողվել դուրս գալ եվրոպական հեղինակավոր մրցաշարերի եզրափակիչ կամ կիսաեզրափակիչ փուլ: «Լիվերպուլ»-ը եվրոգավաթների կիսաեզրափակիչի փուլին հասել միայն 10 տարի առաջ:
«Լիվերպուլ»-ը կիսաեզրափակիչի առաջին հանդիպումը կանցկացնի սեփական հարկի ներքո` «Էնֆիլդ» մարզադաշտում: Այս թիմերը նախկինում հանդիպել են հինգ անգամ:
Այս երկու թիմերին կապում է նաև «Լիվերպուլ»-ի հարձակվող Մուհամեդ Սալահը, ով նախորդ ամռանը հենց «Ռոմա»-ից տեղափոխվեց անգլիական ակումբ: Վերջինս 2014/15 թվականներին հանդես էր գալիս «Ֆիորենտինա»-ի կազմում, սակայն երբեք հանդես չի եկել «Ռոմա»-ի դեմ:
«Լիվերպուլ»-«Ռոմա» հանդիպումը կկայանա ապրիլի 24-ին և կմեկնարկի Երևանի ժամանակով 22:45-ին:
Բաժանորդագրվեք մեր ալիքին Telegram-ում