«Մեծ յոթնյակը» հայտնել Է, թե երբ կօգնի վերականգնելու Սիրիան
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: G7-ի երկրները Սիրիայի վերականգնմանը կօգնեն միայն այն ժամանակ, երբ երկրում «վստահություն ներշնչող քաղաքական անցում» սկսվի: Այդ մասին, ինչպես հաղորդել Է ՌԻԱ Նովոստին, ասված Է «Մեծ յոթնյակի» արտաքին գործերի նախարարությունների ղեկավարների հայտարարության մեջ, տեղեկացնում Է «Արմենպրես»-ը:
«Մենք վերստին հայտարարում ենք, որ պատրաստ կլինենք օգնություն ցույց տալ Սիրիայի վերականգնմանը միայն այն ժամանակ, երբ հուսալի քաղաքական անցումային գործընթաց իրականացվի»,- նշվում Է Տորոնտոյում նախարարների հանդիպման արդյունքներին նվիրված հայտարարության մեջ:
Նրանք հայտարարել են, որ Սիրիայի հակամարտության ռազմական լուծում չկա, եւ բոլոր կողմերին կոչ են արել «լրջորեն եւ ամբողջապես ներգրավվել ՄԱԿ-ի ժնեւյան գործընթացում՝ հուսալի քաղաքական լուծման հասնելու համար»:
Բաժանորդագրվեք մեր ալիքին Telegram-ում