Մայքլ Ջեքսոնի «լուսնագնաց»-կոշիկներն աճուրդի են հանվել 10 հազար դոլարով
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Մայքլ Ջեքսոնի կիսակոշիկները, որոնցով նա առաջին անգամ բեմի վրա անցել Է «լուսնային քայլվածքով», վաճառքի են հանվել Կալիֆոռնիայի GWS աճուրդում: Այդ մասին, ինչպես տեղեկացնում Է «Արմենպրես»-ը, հայտնել Է Sky News բրիտանական հեռուստաալիքը՝ վկայակոչելով ամերիկյան աճուրդի տունը:
Փափուկ սեւ կաշվե կոշիկները՝ Ջեքսոնի ֆիրմային, սահող քայլվածքի համար, որը փորձել են նմանակել բազմաթիվ աստղեր եւ երգչի երկրպագուներ, նախնական կարգով գնահատվել Է 10 հազար դոլար:
«Այս «մոգական» լոֆերներն առաջին անգամ են դրվել աճուրդի,-ասված Է GWS-ի հաղորդագրության մեջ:-Եվ նման կիսակոշիկներ, մեր տվյալների համաձայն, աճուրդներում չեն հայտնվել վերջին 35 տարվա ընթացքում»: Կոշիկներին կցված Է նամակ, որում խորեոգրաֆ եւ պարող Լեսթեր Վիլսոնը հաստատում Է կոշիկի իսկությունը, որը Ջեկքոսն իրեն նվիրել Էր եղբայրների հետ փորձից հետո: Աճուրդը մայիսի 26-ին կանցկացվի Լոս Անջելեսի Hilton հյուրանոցում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում