Թուրքիան արդիականացրել Է սեփական արտադրության կամիկաձե-դրոնները
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Թուքիային անօդաչու թռչող ապարատներ վաճառելուց Միացյալ Նահանգների հրաժարումն Անկարային հակադրել Է գործնականում զրոյից կազմակերպելու իր սեփական դրոնների արտադրությունը:
Ինչպես նշել Է Anadolu գործակալությունը, Անկարան շեշտը դնում Է արդի վերափոխակների, այդ թվում՝ արհեստական ինտելեկտով հետախուզական ապարատների եւ կամիկաձե-անօդաչուների մշակման վրա, տեղեկացնում Է «Արմենպրես»-ը: Կամիկաձե-դրոնները սովորական անօդաչուներից տարբերվում են նրանով, որ թիրախը հայտնաբերելիս դրանք կարող են դառնալ ինքաուղղորդվող արկ-ինքնաթիռներ, որոնք ընկնում են թիրախի վրա՝ դեպի այն տանելով իրենց լիցքը:
Ըստ որում, եթե թռիչքի ընթացքում թիրախը հայտնաբերել չի հաջողվել, ապարատը վերադառնում Է մեկնարկի վայր: Հրապարակված տեղեկատվության համաձայն՝ Թուրքիայի STM (Savunma Teknolojileri Muhedislik ve Ticaret A.S.) ռազմական ընկերությունն արդիականացրել Է ALPAGU Blok II եւ KARGU կամիկաձե-անօդաչուները: «Բարձր մարտավարական-տեխնիկական բնութագրերի, հարվածներ հասցնելու ճշգրտության եւ արհեստական ինտելեկտի շնորհիվ արդիականացված ALPAGU Blok II-ը եւ KARGU-ն կկարողանան զգալի առավելություն ապահովել մարտական գործողությունների ընթացքում»,- պնդում Է STM-ի գլխավոր տնօրեն Դավութ Յըլմազը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում