ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: ՆԱՏՕ-ն մտադիր չԷ միջամտել Հունաստանի եւ Թուրքիայի հարաբերություններին եւ նրանց առաջարկում Է բոլոր հարցերը լուծել երկկողմ բանակցությունների ընթացքում: Այդ մասին, ինչպես հաղորդել Է ՌԻԱ Նովոստին, ապրիլի 20-ին հայտարարել Է Հյուսիսատլանտյան դաշինքի գլխավոր քարտուղար Ենս Ստոլտենբերգը, տեղեկացնում Է «Արմենպրես»-ը:

«Երկու երկրների միջեւ գոյություն ունեն հայտնի վեճեր: Ես Թուրքիային եւ Հունաստանին կոչ եմ անում իրենց տարաձայնությունները կարգավորել բարիդրացիության ոգով եւ երկկողմ բանակցությունների շրջանակներում»,- հունական «Նեա» թերթին ասել Է Ստոլտենբերգը Հաագա կատարած պաշտոնական այցի ժամանակ: Նրա խոսքով՝ ՆԱՏՕ-ի միջամտությունն օգտակար չի լինի:

Հունաստանի զանգվածային լրատվամիջոցները բացասաբար են արձագանքել Ստոլտենբերգի հայտարարությանը: Հունաստանի Կոմունիստական կուսակցությունը (ՀԿԿ) հունական կուսակցություններից առաջինն Է մեկնաբանել գլխավոր քարտուղարի խոսքը: ՀԿԿ-ն կարծում Է, որ Ստոլտենբերգի հայտարարությունները խրախուսում են Թուրքիայի նոր սադրանքները: