ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Այն նյութը, որն օգտագործել են Պետական հետախուզական վարչության նախկին աշխատակից Սերգեյ Սկրիպալին եւ նրա դուստր Յուլյային թունավորելիս, տեղ Է հասցվել «հեղուկ տեսքով»: Ինչպես հաղորդել Է «Ինտերֆաքս»-ը, ապրիլի 17-ին այս մասին հայտնել Է Sky News հեռուստաալիքը՝ վկայակոչելով Մեծ Բրիտանիայի շրջակա միջավայրի, պարենի եւ գյուղատնտեսության նախարարությունը, տեղեկացնում Է «Արմենպրես»-ը:

Ավելի վաղ Mail on Sunday-ն գրել Է, որ Սկրիպալների վրա գրոհի համար դոնդողանման նյութ Է օգտագործվել: Մարտի 4-ին Պետական հետախուզական վարչության նախկին գնդապետ Սերգեյ Սկրիպալը եւ նրա դուստր Յուլյան Մեծ Բրիտանիայի Սոլսբերի քաղաքում օրհասական վիճակում հոսպիտալացվել են անհայտ նյութի ներգործությունից հետո:

Մարտի 12-ին Մեծ Բրիտանիայի վարչապետ Թերեզա Մեյը խորհրդարանում հայտարարել Է, որ նրանք թունավորվել են «Նովիչոկ» տիպի նյարդակաթվածահարական նյութով, որը մշակվել Է Ռուսաստանում: Մոսկվայում վճռականորեն մերժել են այդ մեղադրանքները: