Կիպրոսի նախագահը պատրաստ Է վերսկսել բանակցությունները կիպրական կարգավորման շուրջ
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Կիպրոսի նախագահ Նիկոս Անաստասիադիսը կիպրաթուրքերի առաջնորդ Մուստաֆա Աքընջիի հետ կայացած հանդիպումից հետո հայտարարել Է, որ պատրաստ Է բանակցությունները վերսկսել այն կետից, որտեղ դրանք ընդհատվել Էին, տեղեկացնում Է «Արմենպրես»-ը:
Ապրիլի 16-ի երեկոյան երկու համայնքների ղեկավարները հանդիպում են ունեցել ոչ պաշտոնական ընթրիքի շուրջ, դա նրանց առաջին հանդիպումն Էր 2017 թվականի հուլիսին Կրան-Մոնտանում կիպրական խնդրի կարգավորմանը նվիրված խորհրդաժողովի ձախողումից հետո: Նախագահական պալատում հանդես գալով հայտարարությամբ՝ Անաստասիադիսը հայտարարել Է, որ երկժամյա հանդիպում Է տեղի ունեցել դեմ առ դեմ, այնուհետեւ իրենց միացել Է ՄԱԿ-ի գլխավոր քարտուղարի՝ Կիպրոսի խնդրով հատուկ ներկայացուցիչ Էլիզաբեթ Սպեհարը:
«Մուստաֆա Աքընջիի հետ այսօրվա հանդիպմանը մենք անկեղծորեն քննարկեցինք գոյություն ունեցող խնդիրները, ինչպես նաեւ նոր երկխոսության հեռանկարները: Մենք արձանագրեցինք առկա տարաձայնությունները: Ես կրկնեցի, որ մեր կողմից մենք պատրաստ ենք բանակցությունները վերսկսել այնտեղից, որտեղ դրանք 2017 թվականի հուլիսին ընդհատվել են Կրան-Մոնտանում»,-ասել Է Անաստասիադիսը: Նրա խոսքով՝ ոչինչ բացառված չԷ: Նախագահը նշել Է, որ կողմերը վերահաստատել են իրենց դիրքորոշումները, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում