Կեմերովոյի մարզի նահանգապետի պաշտոնակատարը հեռացրեց չորս տեղակալների
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Ռուսաստանի Կեմերովոյի մարզի նահանգապետի պաշտոնակատար Սերգեյ Ցիվիլյովը հեռացրել Է չորս տեղակալների՝ Վալերի Ցոյին, Դմիտրի Կուդրյաշովին, Ելենա Ժիդկովային եւ Ալեքսեյ Կոժեւինին, որոնք ղեկավարում Էին առողջապահությունը, բնակկոմունալ տնտեսությունը, գյուղատնտեսությունը եւ իրավապահ մարմինների հետ փոխգործակցությունը: Այդ մասին, ինչպես տեղեկացնում Է «Արմենպրես»-ը, ՏԱՍՍ-ին հայտնել են տարածաշրջանի վարչակազմում:
«Աշխատանքից հեռացված են Ժիդկովան, Ցոյը, Կոժեւինը եւ Կուդրյաշովը»,-ասել Է գործակալության զրուցակիցը: Նահանգապետի պաշտոնակատարը նաեւ պաշտոնաթող Է արել տարածաշրջանի վարչակազմի կոլեգիան, որի մեջ մտնում են փոխնահանգապետները: Այդ մասին հաղորդել են մարզի վարչակազմի մամուլի ծառայությունում: «Ցիվիլյովի կարգադրությամբ՝ նահանգապետի բոլոր տեղակալներն ապրիլի 16-ից դառնում են նահանգապետի տեղակալների պաշտոնակատարներ՝ մինչեւ մարզային վարչակազմի կոլեգիայի նոր կազմի ձեւավորումը»,-ասել են գերատեսչությունում:
Կադրային փոփոխություններն սկսվել են ապրիլի 1-ին Կուզբասի նախկին ղեկավար Աման Տուլեեւի պաշտոնաթողությունից եւ Սերգեյ Ցիվիլյովի՝ նահանգապետի պաշտոնակատար նշանակումից կես ամիս անց:
Բաժանորդագրվեք մեր ալիքին Telegram-ում