«Բանանց»-ը ջախջախեց «Ալաշկերտ»-ին
18:03, 14 Ապրիլ 2018
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Ֆուտբոլի Հայաստանի բարձրագույն խմբի առաջնության 23-րդ տուրի շրջանակներում «Բանանց»-ը հյուրընկալել էր «Ալաշկերտ»-ին:
«Արմենպրես»-ի հաղորդմամբ` Հայաստանի գործող չեմպիոն «Ալաշկերտ»-ը ջախջախիչ պարտություն կրեց «Բանանց»-ից: Տան տերերը` «Բանանց»-ի ֆուտբոլիստները, 3 անպատասխան գնդակ ուղարկեցին գործող չեմպիոնի դարպասը: «Բանանց»-ի կազմում աչքի ընկան Լեսթեր Պելտիերը, Օգնյեն Կրասիչը և Կվասի Սիբոն:
Տուրի առաջին խաղում «Գանձասար-Կապան»-«Շիրակ» հանդիպումն ավարտվել էր ոչ-ոքի` 1:1 հաշվով: Եվ մեկ հանդիպում կկայանա ապրիլի 15-ին, որտեղ «Արարատ»-ը ուժերը կչափի «Փյունիկ»-ի հետ:
Բաժանորդագրվեք մեր ալիքին Telegram-ում