Ֆուտբոլի Հայաստանի Մ14 տարեկանների երկրորդ թիմը ևս շարունակում է պարտվել
16:22, 14 Ապրիլ 2018
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Ֆուտբոլի Հայաստանի Մ14 տարեկանների երկրորդ թիմը ևս պարտություն կրեց Զարգացման մրցաշարի հերթական խաղային օրը:
«Արմենպրես»-ի հաղորդմամբ` այս մասին հայտնում է ՀՖՖ-ն: Ֆեդերացիայի տեխնիկական կենտրոնում՝ ֆուտբոլի ակադեմիայում Զարգացման մրցաշարի շրջանակներում հանդիպեցին Հայաստանի Մ-14-2 և Իրանի Մ-14 հավաքականները: Իրանի Մ-14 հավաքականը հաղթեց 2:0 հաշվով:
Մ-15 մրցաշարում Ղազախստանի և Բելառուսի հավաքականները ավարտեցին իրենց հանդիպումը ոչ-ոքի՝ 2:2 հաշվով: Հետխաղային 11-մետրանոց հարվածաշարում հաղթեց Ղազախստանի ընտրանին:
Բաժանորդագրվեք մեր ալիքին Telegram-ում