Մոսկվայի «Արարատ»-ի գլխավոր մարզիչ է նշանակվել Մաքսիմ Բուկատկինը
20:27, 12 Ապրիլ 2018
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Մոսկվայի «Արարատ»-ի գլխավոր մարզիչ է նշանակվել Մաքսիմ Բուկատկինը: Ինչպես փոխանցում է «Արմենպրես»-ը, 32-ամյա մասնագետի հետ ստորագրված համաձայնագրի ժամկետների մասին չի տեղեկացվում:
Բուկատկինը թիմի հետ անցկացրել է նոր մրցաշրջանի բոլոր նախապատրաստական հավաքները և իրականացրել է գլխավոր մարզչի պարտականությունները ՖՆԼ-ի գավաթի խաղարկության ընթացքում:
«Արարատ»-ի նախկին գլխավոր մարզիչ Իգոր Զվեզդինը հեռացել է պաշտոնից առողջական խնդիրների պատճառով:
«Արարատ»-ը հանդես է գալիս Ռուսաստանի երկրորդ դիվիզիոնի «Կենտրոն» գոտում: 18 տուրից հետո թիմը զբաղեցնում է մրցաշարային աղյուսակի առաջին հորիզոնականը:
Բաժանորդագրվեք մեր ալիքին Telegram-ում