1 միլիոն տպաքանակով «National Geographic Traveler China»-ում զբոսաշրջային Հայաստանի մասին նյութ է հրապարակվել
15:42, 12 Ապրիլ 2018
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Հայաստանի` որպես զբոսաշրջային ուղղության մասին չինարենով լայնածավալ հրապարակում է զետեղվել «National Geographic Traveler China» պարբերականում, որի ընդհանուր տպաքանակը 1 միլիոն է: «Արմենպրես»-ի փոխանցմամբ` այս մասին ֆեյսբուքյան իր էջում գրառում է կատարել օգտատեր Սոնա Սահակյանը, ում հրավերով էր Հայաստան ժամանել պարբերականի գլխավոր խմբագիրը: «Ես շատ հպարտ եմ տարածելու առաջին հոդվածը Հայաստանի` որպես զբոսաշրջային ուղղության մասին «National Geographic Traveler China»-ում: Եվ սա միայն սկիզբն է»,-գրել է Սոնա Սահակյանը:
Բաժանորդագրվեք մեր ալիքին Telegram-ում