ԱՄՆ-ի նախկին նախագահը փորձել Է Թրամփին հետ պահել ռազմական առճակատումից
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: ԱՄՆ-ի նախկին նախագահ Ջիմի Քարտերը Դոնալդ Թրամփին նախազգուշացրել Է Ռուսաստանի, Սիրիայի եւ Հյուսիսային Կորեայի դեմ ռազմական որեւԷ գործողության վտանգավորության մասին: Ինչպես տեղեկացնում Է «Արմենպրես»-ը, այդ մասին հայտնել Է Associated Press գործակալությունը:
«Ես աղոթում եմ, որ մեր երկիրն ապրի խաղաղ պայմաններում, չուռճացնի ու չբարդացնի այն մարտահրավերները, որոնք բխում են Հյուսիսային Կորեայից, Ռուսաստանից կամ Սիրիայից»,- ասել Է նա:
Քարտերն ընդգծել Է. «Ես հուսով եմ, որ նա (Թրամփը) նույնքան խորն Է գիտակցում, որքան ես, որքան գիտակցում Էին մյուս նախագահները, որ միջուկային հարվածների ցանկացած փոխանակում աղետ կդառնա ողջ մարդկության համար»:
Նրա խոսքով՝ նույնիսկ նվազ ընդգրկուն ռազմական բախումը «վտանգավոր զբաղմունք Է», որը կարող Է ընդհանուր իրադրությունը դուրս բերել հսկողությունից, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում